أخر الاخبار|مش هنعرف نعوضه.. لاعب الزمالك السابق يودّع زيزو وينتقد مجلس الإدارة | 442News

وجه أحمد عيد عبدالملك، لاعب الزمالك السابق، رسالة وداع لـ أحمد سيد زيزو بعد اقتراب رحيله عن القلعة البيضاء متجهًا للمملكة السعودية عبر بوابة الشباب.

وأرسل نادي الشباب السعودي عرضًا رسميًا لنادي الزمالك يفيد برغبتهم في التعاقد مع زيزو، في عرض وصلت قيمته إلى 6 ملايين دولار لصالح القلعة البيضاء.

أحمد عيد عبدالملك: ارحموا نادي الزمالك وجماهيره

وقال أحمد عيد عبدالملك عبر حسابه الرسمي بموقع التواصل الاجتماعي ‘فيس بوك’ : ‘انا معنديش حاجة اقولها لزيزو الصراحة عمل كل الي عنده للنادي من وقت دخوله غير ان ربنا يوفقه وطبعاً كنت اتمني يكمل مسيرته مع النادي الي يهمني اكتر من زيزو وغيره’.

وتابع: ‘بس المشكلة انك مش هتعرف تعوضه زي ما حصل ومعوضتش طارق ومصطفي محمد ومصطفي فتحي وفرجاني وامام وبن شرقي والدور جه علي زيزو اهو وبعديه فتوح والونش وغيرهم كل ما هيظهر لاعب يسندك مبتحافظش عليه والصراحة معنديش ثقة في حد موجود حالياً يخطط للنادي بالمبلغ الي داخل ده الي هو المفروض يحل كل حاجة عندك’.

وأضاف: ‘الكرة بالنسبة للزمالك او اي فريق بيلعب علي بطولات مش استثمار وخصوصاً في مصر محدش بيكسب منها كله بيخسر الا بعض الفرق المؤسسات الناجحة الي بتصدر للانديك لاعيبة’.

وزاد: ‘وكل ما هتعمل لاعب علشان تبني عليه جيل يجيلك فيه فلوس تبيعه يبقي انت مش عاوز بطولات اصلاً يبقي هتفضل الحالة تتدهور بتاريخك لحد ما توصل ان ترضي انك بتنافس من بعيد وخلاص’.

واختتم منشوره موجهًا اللوم لمجلس إدارة القلعة البيضاء قائلًا: ‘ارحمو نادي الزمالك وجمهوره’.