أخر الاخبار |«جدو» يرد على تصريحات عضو الزمالك ضد بيراميدز بسبب الميركاتو | 442News
حرص محمد ناجي جدو، مدرب بيراميدز، على الرد على تصريحات أحمد سليمان ، عضو مجلس إدارة نادي الزمالك ، بشأن تعنت النادي السماوي مع الفارس الأبيض خلال فترة الانتقالات الصيفية.
وقال محمد ناجي جدو: «الكابتن احمد سليمان طلع امبارح و هاجم بيراميدز و أندية الشركات قال علامات استفهام علي بيراميدز عشان مش بيدوهم لاعيبة و انهم بيشتروا لاعيبه وأنهم بيصرفوا كتير وبيدخلهم فلوس قليله و مش بيسيبوا لاعيبة تحترف».
وتابع: «اولاً بيراميدز أداهم عمر جابر و دونجا و عبدالله السعيد و هما دلوقتي احسن لاعيبه في الزمالك وهل لو بيراميدز کلم الزمالك انهم عايزين زيزو مثلا الزمالك هيوافق ؟ وماسيبتش زيزو يحترف ليه ؟!»
وأضاف: «ثانيا طبييعي ان بيراميدز يشتري لاعيبه ويقوي القايمة زي كل الفرق».
جدو: الزمالك بيصرف كام وبيدخلوا كام وبيكسبوا فلوس ولا لأ؟
وأردف: «ثالثا ممكن تقولنا يا كابتن أحمد الزمالك بيصرف كام وبیدخله كام و هل بيكسبوا فلوس من الكوره أكيد لا، الزمالك دفع اكثر من مليار جنيه غرامات بس !!! ف ممكن تقولنا الكوره في الزمالك بتكسب كام !!».
وواصل : «رابعا من اول المجلس نجح في الانتخابات و كل لقاء تليفزيوني من أول الرئيس لأصغر عضو بيتكلم عن رمضان وعايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني وتعاقدوا ساري لمده ٣ سنوات !!».
واختتم: «بصراحة انتوا اللي عليكم علامات استفهام !!!».
442.News الاخباري يهتم بأخبار كرة القدم العالمية والقارية والمحلية ويقدم محتوى فريد وسريع للاخبار من خلال شبكة مراسلين بكل الملاعب الرياضية التي تضم اكبر المباريات حول العالم.
اخبارنا من جوة اوضة اللبس.
