أخر الاخبار |شوبير: إمام عاشور زعلان من نفسه وقرر إنه هيسكت خالص الفترة اللي جاية | 442News
تحدث الإعلامي أحمد شوبير حارس مرمى الأهلي ومنتخب مصر السابق عن موقف إمام عاشور الحالي في الأهلي وموقفه من العودة إلى مباريات الأهلي من جديد في الفترة المقبلة.
وقال أحمد شوبير: إمبارح كارلوس بيرينجر مساعد كولر قاد مران المستبعدين والغائبين عن مباراة البنك الأهلي وكان مين في التدريب طاهر محمد طاهر ووسام أبوعلي وأشرف داري وكريم نيدفيد وعدد من الشباب ومحمد الشناوي اعتذر، وتواجد معاهم إمام عاشور وأدرب معاهم بشكل عادي جدا.
وأوضح شوبير: بصوا يا جماعة أنا على تواصل مع إمام عاشور بشكل غير مباشر عن طريق حد، وإمام حبيبي جدا بس مش عايز أكلمه دلوقتي، إمام زعلان من نفسه واللي بيقوله لنفسه دلوقتي أنا تم تقديري بشكل غير عادي في الأهلي وأنا بحاول أقدم كل ما لدّي واللي عمله جمهور الأهلي معايا كثير جدا ويستحقوا كل التحية على ما قدموه لي وبالتالي ما كان ينبغي أن تحدث هذه الأزمة بيني وبين محمد الشناوي.
وأضاف شوبير: إمام عاشور قرر إنه هيسكت خالص الفترة اللي جاية وهيكون رده في الملعب ومهما حصل مش هيعمل أي مشكلة سواء لعب أو كان احتياطي مش هيكلم وإن اعتذاره هيكون من خلال مستواه ومن خلال لعبه فقط.
442.News الاخباري يهتم بأخبار كرة القدم العالمية والقارية والمحلية ويقدم محتوى فريد وسريع للاخبار من خلال شبكة مراسلين بكل الملاعب الرياضية التي تضم اكبر المباريات حول العالم.
اخبارنا من جوة اوضة اللبس.
