أخر الاخبار |شوبير يكشف كواليس أزمة بين الأهلي ورابطة الأندية | 442News

كشف الإعلامي أحمد شوبير، عن كواليس أزمة محتملة بين الأهلي بشأن المشاركة في كأس الرابطة.

وقال شوبير خلال برنامجه الإذاعي ‘مع شوبير’ على أثير إذاعة ‘أون سبورت إف إم’: ‘مباراة الأهلي وإنبي في كأس الرابطة هتكون يوم 10 ديسمبر’.

وأضاف:’ 10 ديسمبر ده معاد سفر الأهلي إلى قطر، احتمال يبقى في تأجيل للمباراة لكن لو الرابطة اتمسكت بإقامة المبارة في معادها الأهلي هيكون بره البطولة’.

معملش حاجة غلط.. شوبير يكشف حقيقة إيقاف إمام عاشور ومروان حمدي

كشف الإعلامي أحمد شوبير، حقيقة تسريبات عقوبات لجنة الانضباط ضد كل من إمام عاشور ومروان حمدي ومدرب الزمالك، جوزيه جوميز.

وقال شوبير خلال برنامجه الإذاعي ‘مع شوبير’ على أثير إذاعة ‘أون سبورت إف إم’: ‘خرج بعض الأخبار امبارح بخصوص عقوبات لجنة الانضباط وهي إيقاف إمام عاشور 4 مباريات ومروان حمدي 6 شهور وجوميز 6 مباريات’.

وأضاف:’أنا استفسرت من جمال علام وقالي الكلام دا غير صحيح، واستفسرت أيضًا من وليد العطار وقال ان القرارات هتعلن قبل رحيل المجلس الحالي لكن لسه مفيش قرارات جت لحد دلوقتي’.

وأكمل: ‘اتكلمت مع مصادر تانية وقالولي لا توجد أي عقوبة من الأساس على إمام عاشور ولا يوجد اتجاه لمعاقبته، ودا فعلا صحيح لأن إمام متطاولش على حد لأنه معملش حاجة غلط’.

وواصل: ‘وعقوبة مروان حمدي 6 مباريات مش 6 شهور، واتقالي إن في عقوبة على جوميز لكن حتى الآن غير معلومة’.

وأتم: ‘احقاقًا للحق قيل لي إن القرارات دي اتسلمت لـ اتحاد الكرة من فترة كبيرة جدًا لكن اتحاد الكرة لسه مأعلنش لحد دلوقتي وعلى كلام وليد العطار إن اتحاد الكرة هيعلن القرارات قبل ما يرحل’.