اخر الاخبار| عمر كمال عبد الواحد: حسام حسن كان هيبطلني كورة (فيديو)

كشف عمر كمال عبد الواحد نجم الفريق الأول لكرة القدم بنادي فيوتشر، كواليس معاناته مع حسام حسن المدير الفني السابق لنادي المصري البورسعيدي، وقتما كان الأول لاعبًا هناك.

وقال عمر كمال في تصريحات تلفزيونية:’لعبت في المصري 4 سنوات الأمور كانت صعبة للغاية معي في أول موسمين لأني لم أشارك وحصلتلي حاجات كتير، لم أتأقلم مع حسام حسن، المدير الفني وقتها، حصلت خناقة بينا’.

وأضاف:’سبب المشكلة مع حسام حسن، انا كنت العب في مركز الجناح، كريم العراقي تعرض للطرد في إحدى المباريات وحسام حسن، قرر إشراكي في مباراة الزمالك مركز الظهير الأيمن انا مبعرفش ألعب في المركز ده لأن مركزي الأساسي جناح، حسام حسن، اتضايق وزعل مني وأنا قولتله مش هعرف العب باك رايت».

وتابع: «من هنا بدأ الخلاف مع حسام حسن، حيث تم استبعادي من المباريات وكنت اتواجد في بورسعيد ولم اذهب إلى المعسكر في برج العرب، بعد أول 6 اشهر انتقلت للأسيوطي إعارة».

وأكمل «أنا شوفت فترة في المصري صعبة كنت هبطل كورة، وفي واحد لازم اشكره اسمه ابراهيم بيسا عامل أوضة اللبس، كان بيصرف عليا، وبيجبلي أكل، مكنتش ياخد فلوس من المصري لانهم حطوني قايمة انتظار، ويخصمون من مستحقاتي».

عمر كمال عبد الواحد وواصل: «بعد انتهاء إعارتي من الأسيوطي تلقيت عرضًا رسميًا من انبي، حسام حسن، قالي (مش همشيك) وحطني قايمة انتظار وقعدت في البيت، قالي (عشان تمشي لازم تيجي تتمرن) فروحت التمرين، وكنت لا احصل على مستحقاتي دي كانت أصعب فترة في حياتي».

وأتم: «فضلت مع المصري لحين تولي إيهاب جلال، تدريب الفريق جه (نفض التراب اللي عليا)، كان بيعاملني نفسيًا بشكل جيد، وكنت أشارك معه في المباريات».